പ്രവാസികള് ഇക്കാര്യം ശ്രദ്ധിച്ചില്ലെങ്കില്, ഓട്ടോമാറ്റിക് പേയ്മെന്റുകളും ക്രെഡിറ്റ് കാര്ഡുകളും പ്രവര്ത്തനരഹിതമാകും
അബുദാബി: ഫെബ്രുവരി 15ന് മുന്പ് എമിറേറ്റ്സ് ഐഡി വിവരങ്ങള് നല്കാത്തവരുടെ ഓട്ടോമാറ്റിക് പേയ്മെന്റുകളും ക്രെഡിറ്റ് കാര്ഡുകളും പ്രവര്ത്തനരഹിതമാകും. യുഎഇയിലെ ധനകാര്യ സ്ഥാപനങ്ങളെയും ഇത് ബാധിക്കുമെന്ന് പ്രാദേശിക മാധ്യമങ്ങള് റിപ്പോര്ട്ട് ചെയ്യുന്നു.എന്നാല് ബാങ്ക് ശാഖകള് വഴിയോ കസ്റ്റമര് സര്വീസ് കേന്ദ്രങ്ങള് വഴിയോ ഉള്ള ഇടപാടുകളെ ഇത് ഒരുതരത്തിലും ബാധിക്കില്ല. ഇക്കാലയളവില് അധിക ചാര്ജുകളോ പിഴകളോ ഈടാക്കില്ലെന്നും യുഎഇ സെന്ട്രല് ബാങ്ക് അറിയിച്ചു. നടപടികള് പൂര്ത്തീകരിക്കാന് ഫെബ്രുവരി 28 വരെയാണ് രാജ്യത്തെ ബാങ്കുകള്ക്ക് യുഎഇ സെന്ട്രല് ബാങ്ക് സമയം അനുവദിച്ചിരിക്കുന്നത്. നിശ്ചിത സമയപരിധിക്കകം വിവരങ്ങള് നല്കാത്ത ഉപഭോക്താക്കളുടെ എടിഎം കാര്ഡുകള് താല്കാലികമായി പ്രവര്ത്തനരഹിതമാവും. ഉപഭോക്താക്കള്ക്ക് വിവരങ്ങള് നല്കാന് ആവശ്യമായ സംവിധാനങ്ങള് ഒരുക്കാന് ബാങ്കുകള്ക്ക് നിര്ദേശം നല്കിയിട്ടുണ്ട്. ബാങ്കിന്റെ വെബ്സൈറ്റ് വഴിയോ, എമിറേറ്റ്സ് ഐഡിയുടെ പകര്പ്പ് ബാങ്കിലേക്ക് ഇ-മെയില് ചെയ്യുക വഴിയോ, മൊബൈല് ബാങ്കിങ്, എടിഎം, കസ്റ്റമര് സര്വീസ് കേന്ദ്രങ്ങള് വഴിയോ വിവരങ്ങള് നല്കാനാവും
