പെരിയ ഇരട്ടക്കൊലപാതകം: സിപിഎം ലോക്കല് കമ്മിറ്റി അംഗം കസ്റ്റഡിയിൽ
കാസർകോട്: കാസർകോട് പെരിയയിലെ ഇരട്ടക്കൊലപാതകത്തിന്റെ മുഖ്യസൂത്രധാരനെന്ന് സംശയിക്കപ്പെടുന്ന സിപിഎം ലോക്കൽ കമ്മിറ്റി അംഗം പീതാംബരൻ പൊലീസ് കസ്റ്റഡിയിൽ. ഇന്നലെ രാത്രിയില് കസ്റ്റഡിയിലെടുത്ത പീതാംബരന്റെ അറസ്റ്റ് ചൊവ്വാഴ്ച രേഖപ്പെടുത്തുകയായിരുന്നു.
കൊലപാതകം ആസൂത്രണം ചെയ്യുകയും കൃത്യം നിര്വഹിക്കാന് പുറത്തുനിന്ന് ആളുകളെ എത്തിച്ചതടക്കമുള്ള കാര്യങ്ങള് നിയന്ത്രിച്ചത് പീതാംബരനാണെന്നാണ് വിവരം.
എ പീതാംബരനെ പാർട്ടിയിൽ നിന്ന് പുറത്താക്കാൻ സിപിഎം തീരുമാനിച്ചു. പാർട്ടി നേതൃത്വത്തിന് ഈ കൊലപാതകത്തെക്കുറിച്ച് ഒരറിവുമില്ലെന്നും പ്രാദേശികമായ പ്രശ്നങ്ങളാണ് കൊലപാതകത്തിന് പിന്നിലെന്നുമാണ് പാർട്ടി ജില്ലാ നേതൃത്വം അറിയിക്കുന്നത്.
സംഭവത്തിൽ അന്വേഷണം ഊർജിതമാക്കിയിരിക്കുകയാണ് പൊലീസ്. കൃത്യത്തിന് ഉപയോഗിച്ച ആയുധങ്ങൾ കണ്ടെത്താനായി സംവസ്ഥലത്തിനു സമീപമുള്ള പ്രദേശങ്ങളിൽ കാട് വെട്ടിത്തെളിച്ച് കൂടുതല് തിരച്ചില് നടത്തും.
ശരത്തിനെയും കൃപേഷിനെയും സിപിഎം നേതാവ് കൊലയാളി സംഘമെന്ന് സംശയിക്കുന്നുവര്ക്ക് കാണിച്ചുകൊടുത്തുവെന്നു മൊഴിയുണ്ട്. കൊല്ലിയോട് ക്ഷേത്രത്തിലെത്തില് കണ്ണൂര് റജിസ്ട്രേഷന് നമ്പറുള്ള രണ്ട് ജീപ്പുകള് എത്തിയ യിരുന്നതായും കണ്ടെത്തിയിട്ടുണ്ട്. ജീപ്പുകള് കണ്ടെത്താന് മംഗലാപുരം, കണ്ണൂര് റൂട്ടുകള് സിസിടിവി ക്യാമറകള് പരിശോധിച്ചു തുടങ്ങി.
