ഇന്തോനേഷ്യയിലെ ഈ ഗ്രാമത്തിലെ എല്ലാ വീടുകളുടെയും നിറം മഴവില്ല് പോലെ
ഒരു ഗ്രാമത്തിലെ എല്ലാ വീടുകളുടെയും നിറം മഴവില്ല് പോലെ. ചുരുക്കി പറഞ്ഞാല് മഴവില്ലിന്റെ അഴകില് ഒരു ഗ്രാമം. ഇന്തോനേഷ്യയിലെ കംപൂങ് പെലാംഗി ഗ്രാമത്തിനാണ് ഈ മഴവില്ലഴക്.
ഒരു ഗ്രാമത്തിലെ എല്ലാ വീടുകളുടെയും നിറം മഴവില്ല് പോലെ. ചുരുക്കി പറഞ്ഞാല് മഴവില്ലിന്റെ അഴകില് ഒരു ഗ്രാമം. ഇന്തോനേഷ്യയിലെ കംപൂങ് പെലാംഗി ഗ്രാമത്തിനാണ് ഈ മഴവില്ലഴക്. റെയിന്ബോ ഗ്രാമം എന്ന പേരിലാണ് ഈ ഗ്രാമമിപ്പോള് അറിയപ്പെടുന്നതു പോലും.
വിനോദസഞ്ചാരികളെ ആകര്ഷിക്കാനുള്ള ശ്രമത്തിന്റെ ഭാഗമായിട്ടാണ് തങ്ങളുടെ ഗ്രാമത്തില് ഈ ആശയം നടപ്പാക്കിയത്. ഹൈസ്കൂള് പ്രിന്സിപ്പലായ സ്ലാമെറ്റ് വിഡോഡോയുടെ ബുദ്ധിയില് ഉദിച്ചതാണ് ഈ ആശയം. ഏകദേശം 232 വീടുകള്ക്കാണ് പെയിന്റടിച്ചത്. ഓരോ വീടിനും കുറഞ്ഞത് മൂന്നുനിറം വീതം ഉപയോഗിച്ചിട്ടുണ്ട്. വീടുകള്, മതിലുകള്, മേല്ക്കൂരകള്, പാലങ്ങള്, പടികള് എന്നിങ്ങനെ എല്ലാത്തിനും നിറം നല്കിയിരിക്കുകയാണ്. സംഭവം സോഷ്യല്മീഡിയയില് വൈറലായതോടെ ടൂറിസ്റ്റുകളുടെ ഒഴുക്കാണ് ഇപ്പോള് ഈ കൊച്ചു ഗ്രാമത്തിലേക്ക്.
