അമേരിക്ക ലോകാരോഗ്യ സംഘടനയില് നിന്ന് ഔദ്യോഗികമായി പിന്വാങ്ങി
വാഷിങ്ടണ്: ലോകാരോഗ്യ സംഘടനയില് നിന്നും ഔദ്യോഗികമായി അമേരിക്ക പിന്വാങ്ങാന് തീരുമാനിച്ചു. പിന്വാങ്ങുന്നതായി അറിയിക്കുന്ന സന്ദേശം ഐക്യരാഷ്ട്ര സഭ സെക്രട്ടറി ജനറല് അന്റോണിയോ ഗുട്ടറസിന് സമര്പ്പിച്ചതായി സിബിഎസ് ന്യൂസും ദി ഹില്ലും റിപ്പോര്ട്ട് ചെയ്തു.
പിൻവാങ്ങൽ 2021 ജൂലൈ ആറിന് പ്രാബല്യത്തില് വരുമെന്ന് സിബിഎസ് റിപ്പോര്ട്ട് ചെയ്യുമ്പോള് തിങ്കളാഴ്ച മുതല് പിന്വാങ്ങല് പ്രാബല്യത്തില് വരുമെന്ന് ദി ഹില്ലും റിപ്പോര്ട്ട് ചെയ്തു. അമേരിക്ക ലോകാരോഗ്യ സംഘടനയില് നിന്ന് ഔദ്യോഗികമായി പിന്വാങ്ങിയതായുള്ള അറിയിപ്പ് കോണ്ഗ്രസ്സിന് ലഭിച്ചതായി ഡെമോക്രാറ്റിക് പാര്ട്ടിയുടെ സെനറ്റര് ആയ ബോബ് മെനന്ഡസ് ട്വീറ്റ് ചെയ്തു.
രാജ്യത്ത് ഓരോ ദിവസവും പതിനായിരക്കണക്കിന് പുതിയ കൊറോണ വൈറസ് കേസുകള് റിപോര്ട്ട് ചെയ്യപ്പെടുന്നതിനിടെയാണ് ലോകാരോഗ്യസംഘടനയില് നിന്ന് അമേരിക്ക പിന്വാങ്ങുന്നതായി പ്രസിഡന്റ് ഡോണള്ഡ് ട്രംപ് പ്രഖ്യാപനം നടത്തിയത്. രാജ്യത്ത് ഇതിനോടകം തന്നെ മരണസംഖ്യ 1,30,800 കവിഞ്ഞു.
