മോണിറ്റൈസേഷൻ നിയമങ്ങളിൽ വൻ മാറ്റത്തിന് ഒരുങ്ങി യൂട്യൂബ്; കോപ്പിയടി ടീമിന് പണി കിട്ടും!
വീഡിയോ കണ്ടനറുകളിൽ പരസ്യം ഉൾപ്പെടുത്തി ഉപയോക്താക്കൾക്ക് വരുമാനം ലഭ്യമാക്കുന്ന മോണിറ്റൈസേഷൻ നയത്തിൽ വൻ മാറ്റത്തിന് ഒരുങ്ങി യൂട്യൂബ്. മറ്റുള്ളവരുടെ വീഡിയോയിലെ ആശയങ്ങൾ മോഷ്ടിച്ച് പുതിയ വീഡിയോ ചെയ്യുന്നവരെ ലക്ഷ്യമിട്ടാണ് യൂട്യൂബ് മോണിറ്റൈസേഷൻ നയം തിരുത്തുന്നത്. ആവർത്തന സ്വഭാവമുള്ള വീഡിയോകൾക്ക് ഇനി പരസ്യവരുമാനം ലഭിക്കാനിടയില്ല. ഇത്തരം വീഡിയോകൾ തിരിച്ചറിയാനുള്ള സംവിധാനം യൂട്യൂബ് ഏർപ്പെടുത്തി. ജൂലൈ 15 മുതൽ പുതിയ നയം പ്രാബല്യത്തിൽ വരും. നിയമലംഘകർക്ക് എന്ത് ശിക്ഷ ലഭിക്കുമെന്ന് യൂട്യൂബ് ഏർപ്പെടുത്തി. ജൂലൈ 15 മുതൽ പുതിയ നയം പ്രാബല്യത്തിൽ വരും. നിയമലംഘകർക്ക് എന്ത് ശിക്ഷ ലഭിക്കുമെന്ന് യൂട്യൂബ് വ്യക്തമാക്കിയിട്ടില്ല.
ഒരു സപ്പോർട്ട് പേജിലൂടെയാണ്, വലിയ തോതിൽ നിർമ്മിച്ചതും ആവർത്തന സ്വഭാവമുള്ളതുമായ ഉള്ളടക്കം തിരിച്ചറിയാനും വിലയിരുത്താനും മോണിറ്റൈസേഷൻ നയം പരിഷ്കരിക്കാനുള്ള തീരുമാനം ഗൂഗിളിന്റെ ഉടമസ്ഥതയിലുള്ള വീഡിയോ സ്ട്രീമിംഗ് പ്ലാറ്റ്ഫോം പ്രഖ്യാപിച്ചത്. കണ്ടന്റ് യഥാർത്ഥവും ആധികാരികവുമായ ഉള്ളടക്കം അപ്ലോഡ് ചെയ്യണമെന്ന് യൂട്യൂബ് എപ്പോഴും ആവശ്യപ്പെടുന്നുണ്ടെന്നും കമ്പനി വ്യക്തമാക്കി.
ഈ ആവശ്യകതയ്ക്ക് രണ്ട് നിയമങ്ങളുണ്ട്, ഇത് വലിയ തോതിൽ നിർമ്മിക്കുന്നതും ആവർത്തന സ്വഭാവമുള്ളതുമായ ഉള്ളടക്കം എന്താണെന്ന് നിർവചിക്കുന്നു. ആദ്യ നിയമം പറയുന്നത്, സ്രഷ്ടാക്കൾ മറ്റൊരാളുടെ ഉള്ളടക്കം കടമെടുക്കാൻ പാടില്ലെന്നും, അങ്ങനെ ചെയ്യുകയാണെങ്കിൽ അത് സ്വന്തമാണെന്ന് അവകാശപ്പെടാൻ തക്കവിധം കാര്യമായ മാറ്റങ്ങൾ വരുത്തണമെന്നുമാണ്.
രണ്ടാമത്തെ നിയമം ആവർത്തന സ്വഭാവമുള്ള ഉള്ളടക്കത്തിൽ ശ്രദ്ധ കേന്ദ്രീകരിക്കുന്നു. ഉള്ളടക്കം വിനോദ ആവശ്യങ്ങൾക്കോ പ്രേക്ഷകരുടെ വിദ്യാഭ്യാസത്തിനോ വേണ്ടിയായിരിക്കണം, കാഴ്ചകൾ നേടാൻ മാത്രമായിരിക്കരുതെന്ന് ഇത് നിഷ്കർഷിക്കുന്നു. ക്ലിക്ക്ബെയ്റ്റ് വീഡിയോകൾ, കുറഞ്ഞ പ്രയത്നമുള്ള ഉള്ളടക്കം, ടെംപ്ലേറ്റ് ചെയ്ത വീഡിയോകൾ എന്നിവയും ഇതിൽ ഉൾപ്പെടുന്നു.
