ഗള്ഫിലെ ഇന്ത്യക്കാരായ സമ്പന്നരുടെ പട്ടികയിൽ എം.എ യൂസഫലി ഒന്നാം സ്ഥാനത്ത്
ദുബായ്: ഫോബ്സ് പുറത്തിറക്കിയ 2019ലെ പട്ടിക പ്രകാരം ഗള്ഫിലെ ഇന്ത്യക്കാരായ സമ്പന്നരുടെ പട്ടികയിൽ ലുലു ഗ്രൂപ്പ് ചെയർമാൻ എം.എ യൂസഫലി ഒന്നാം സ്ഥാനം നിലനിർത്തി. മലയാളി സമ്പന്നരിലും അദ്ദേഹം തന്നെയാണ് മുന്നിൽ. ഇന്ത്യയിലെ 100 ധനികരിൽ 26-ാമതാണ് യൂസഫലി. മുകേഷ് അംബാനിയാണ് ഏറ്റവും മുന്നിൽ.
ഫോബ്സ് പുറത്തിറക്കിയ 2019ലെ പട്ടികയിലാണ് ഈ വിവരങ്ങളുള്ളത്. ഗൾഫിലെ ഇന്ത്യൻ ധനികരിൽ മിക്കി ജഗ്തിയാനി രണ്ടാം സ്ഥാനത്തും, ഡോ.ബി.ആർ ഷെട്ടി മൂന്നാം സ്ഥാനത്തുമെത്തി. രവി പിള്ള, സണ്ണി വർക്കി, സുനിൽ വസ്വാനി, ഷംഷീർ വയലിൽ എന്നിവരാണ് തുടർ സ്ഥാനങ്ങളിലുള്ളത്. പട്ടികയില് ഇടംപിടിച്ച മലയാളികള്: എം.എ യൂസഫലി, രവി പിള്ള, എം.ജി ജോര്ജ് മുത്തൂറ്റ്, ക്രിസ് ഗോപാലകൃഷ്ണന്, സണ്ണി വര്ക്കി, ബൈജു രവീന്ദ്രന്, ഷംസീര് വലയില്, എസ്.ഡി ഷിബുലാല്.
പട്ടികയിൽ സ്ഥാനം പിടിച്ച എട്ട് മലയാളി ധനികർ
- എം.എ.യൂസഫലി ( 8.2 ബില്യൻ യുഎസ് ഡോളർ, 58,200 കോടി രൂപ)
- രവി പിള്ള ( 3.1 ബില്യൻ യുഎസ് ഡോളർ, 22,000 കോടി രൂപ)
- എം.ജി.ജോർജ് മുത്തൂറ്റ് (3.05 ബില്യൻ യുഎസ് ഡോളർ, 21,600 കോടി രൂപ)
- ക്രിസ് ഗോപാലകൃഷ്ണന് (2.36 ബില്യൻ യുഎസ് ഡോളർ 16,700 കോടി രൂപ)
- സണ്ണി വര്ക്കി (2.05 ബില്യൻ യുഎസ് ഡോളർ,14,500 കോടി രൂപ)
- ബൈജു രവീന്ദ്രൻ (1.91 ബില്യൻ യുഎസ് ഡോളർ,13,500 കോടി രൂപ)
- ഷംഷീര് വയലിൽ( 1.41 ബില്യൻ യുഎസ് ഡോളർ ,10,100 കോടി രൂപ)
- എസ്. ഡി. ഷിബുലാൽ (1.4 ബില്യൻ യുഎസ് ഡോളർ, 994 കോടി രൂപ)
