പീഡാസഹനത്തിന്റെ സ്‌മരണയില്‍ ഇന്ന് ദുഃഖവെള്ളി
യേശുവിന്റെ പീഡാസഹനത്തിന്റെ സ്‌മരണയില്‍ ലോകമെമ്പാടുമുള്ള ക്രൈസ്തവർ ഇന്ന് ദുഃഖവെള്ളി ആചരിക്കുന്നു. യേശുക്രിസ്തുവിൻ്റെ പീഡാനുഭവത്തെയും കുരിശു മരണത്തെയും അനുസ്മരിച്ചാണ് ക്രൈസ്തവ വിശ്വാസികൾ ദുഃഖവെള്ളി ആചരിക്കുന്നത്. വിവിധ ക്രൈസ്തവ ദേവാലയങ്ങളിൽ പ്രത്യേക ദുഃഖവെള്ളി ശുശ്രൂഷകളും പ്രാർത്ഥനകളും നടക്കും.
കാൽവരി യാത്രയിൽ യേശു അനുഭവിച്ച വേദനകളും ദുരിതങ്ങളും ധ്യാനിച്ച് ആയിരങ്ങൾ ഇന്ന് വിവിധയിടങ്ങളില്‍ കുരിശുമലകൾ കയറും. പ്രമുഖ തീര്‍ഥാടന കേന്ദ്രമായ മലയാറ്റൂര്‍ കുരിശുമല കയറാന്‍ നൂറുകണക്കിന് ഭക്തജനങ്ങളാണ് അടിവാരത്തെത്തുന്നത്. മനുഷ്യ വംശത്തിൻ്റെ വീണ്ടെടുപ്പിനായി കാൽവരിയിലെ മരക്കുരിശിൽ ക്രിസ്തു സ്വയം ബലി അർപ്പിച്ചുവെന്നാണ് ക്രൈസ്തവ വിശ്വാസം.
