ജയം രവി നായകനായി സൈറണ്‍, ദൃശ്യങ്ങള്‍ പുറത്ത്
ജയം രവി നായകനായി വരാനിരിക്കുന്ന ചിത്രമാണ് സൈറണ്‍. അനുപമ പരമേശ്വരനാണ് ജയം രവി ചിത്രത്തില്‍ നായികയായി എത്തുന്നത്. കീര്‍ത്തി സുരേഷ് പൊലീസ് ഓഫീസറാകുന്ന ചിത്രം എന്ന ഒരു പ്രത്യേകതയും സൈറണുണ്ട്. ജയം രവി നായകനാകുന്ന സൈറണ്‍ സിനിമ ഫെബ്രുവരി 16ന് റിലീസ് ചെയ്യാനിരിക്കേ പുതിയൊരു ടീസര്‍ പുറത്തുവിട്ടിരിക്കുകയാണ്.
സംവിധാനം നിര്‍വഹിക്കുന്നത് ആന്റണി ഭാഗ്യരാജാണ്. ഒരു ആക്ഷൻ ഇമോഷണല്‍ ഡ്രാമയായി ചിത്രം ഒരുക്കുമ്പോള്‍ കൊറിയോഗ്രാഫി നിര്‍വഹിക്കുന്നത് ബൃന്ദയാണ്. ജി വി പ്രകാശ് കുമാറാണ് സംഗീതം നിര്‍വഹിക്കുന്നത്. സെല്‍വകുമാര്‍ എസ്‍ കെയാണ് ഛായാഗ്രാഹണം.
