കരിപ്പൂര് സ്വര്ണക്കടത്ത് കേസ്: അർജുൻ ആയങ്കി കസ്റ്റംസിന് മുന്നിൽ ഹാജരായി
കൊച്ചി: കരിപ്പൂര് സ്വര്ണ്ണക്കടത്തുമായി ബന്ധപ്പെട്ട് അർജുൻ ആയങ്കി ചോദ്യം ചെയ്യലിന് ഹാജരായി. കൊച്ചിയിലെ കസ്റ്റംസ് ഓഫീസിലേക്കാണ് അർജുൻ എത്തിയത്. ചോദ്യം ചെയ്യലിന് ഹാജരാകണമെന്ന് കാണിച്ച് നോട്ടീസ് നൽകിയിരുന്നു. സ്റ്റംസ് പ്രിവന്റീവ് വിഭാഗമാണ് നോട്ടീസ് അയച്ചത്. അഭിഭാഷകർക്ക് ഒപ്പമാണ് അർജുൻ ആയങ്കി കൊച്ചിയിലെ കസ്റ്റംസ് ഓഫീസിൽ എത്തിയത്.
കരിപ്പൂര് വിമാനത്തവാളത്തില് സ്വര്ണ്ണം കടത്തുന്നതിനിടയില് കസ്റ്റംസ് പിടികൂടിയ മുഹമ്മദ് ഷഫീഖിന് ക്വട്ടേഷന് സംഘനേതാവ് അര്ജുന് ആയങ്കിക്ക് ബന്ധമുണ്ടെന്ന് കസ്റ്റംസ് കണ്ടെത്തിയിരുന്നു. ഈ കേസില് നേരിട്ട് ജൂണ് 28ന് ഹാജരാകാന് ആവശ്യപ്പെട്ട് അര്ജുന് ആയങ്കിക്ക് കസ്റ്റംസ് നോട്ടീസയച്ചിരുന്നു. രാമാനാട്ടുകര അപകടത്തിന് ശേഷം ഒളിവില് പോയ അര്ജുനെ പൊലീസിന് ഇതുവരെയും പിടികൂടാന് കഴിഞ്ഞിരുന്നില്ല.
