മുല്ലപ്പെരിയാറില് ജലനിരപ്പ് കുറഞ്ഞു; ഒരു ഷട്ടര് ഒഴികെ എല്ലാ ഷട്ടറുകളും അടച്ചു
മുല്ലപ്പെരിയാര് അണക്കെട്ടിലെ ജലനിരപ്പില് നേരിയ കുറവ്. 141.80 അടിയാണ് നിലവിലെ ജലനിരപ്പ്. ഇതോടെ തുറന്നിരുന്ന ഒരു ഷട്ടര് ഒഴികെ എല്ലാ ഷട്ടറുകളും അടച്ചു. നിലവില് മൂന്നാം നമ്പര് ഷട്ടര് 10 സെന്റിമീറ്റര് മാത്രമാണ് തുറന്നിരിക്കുന്നത്. ഡാമിന്റെ വൃഷ്ടിപ്രദേശത്ത് മഴ കുറഞ്ഞതോടെയാണ് ജലനിരപ്പില് കുറവ് വന്നത്.
അതിനിടെ കഴിഞ്ഞ ദിവസം രാത്രി മുന്നറിയിപ്പില്ലാതെ തമിഴ്നാട് ഷട്ടറുകൾ തുറന്നത് വീടുകളിൽ വെള്ളം കയറുന്ന സ്ഥിതി ഉണ്ടാക്കിയിരുന്നു. പത്ത് ഷട്ടറുകളാണ് രാത്രിയിൽ തമിഴ്നാട് തുറന്നത്. പ്രതിഷേധം ഉണ്ടായതോടെ പിന്നീട് ഒമ്പത് ഷട്ടറുകളും അടയ്ക്കുകയായിരുന്നു. അതിനിടെ മുന്നറിയിപ്പില്ലാതെ മുല്ലപ്പെരിയാര് ഷട്ടറുകള് തുറന്നതുമായി ബന്ധപ്പെട്ട് കേന്ദ്ര ജലകമ്മിഷന് തമിഴ്നാടിനോട് വിശദീകരണം തേടിയിട്ടുണ്ട്. കേരളം ഉന്നയിച്ച ആക്ഷേപവുമായി ബന്ധപ്പെട്ടാണ് വിശദീകരണം തേടിയത്. മുന്നറിയിപ്പില്ലാതെ മുല്ലപ്പെരിയാര് ഡാം തുറന്നതിനെതിരെയാണ് കേരളം പരാതി നല്കിയത്. വസ്തുതുതാ വിശദീകരണം നല്കാന് തമിഴ്നാട് ചീഫ് സെക്രട്ടറിയോട് ജലകമ്മിഷന് നിര്ദേശം നല്കി.
ഇതിനിടിയെ മുല്ലപ്പെരിയാർ വിഷയത്തിൽ ഇടപെടൽ ആവശ്യപ്പെട്ട് കേരള മുഖ്യമന്ത്രി പിണറായി വിജയൻ തമിഴ്നാട് മുഖ്യമന്ത്രി സ്റ്റാലിന് കത്തയച്ചു. മുന്നറിപ്പ് നൽകിയ ശേഷം പകൽ സമയത്താകണം വെള്ളം തുറന്നുവിടേണ്ടതെന്നും കത്തിൽ വ്യക്തമാക്കിയിപരുന്നു.
