ജൂനിയർ ചിരുവിനെ കാണാൻ ഇന്ദ്രജിത്ത് എത്തി: സന്തോഷം പങ്കുവെച്ച് മേഘ്ന
മലയാളികൾക്ക് ഏറെ പ്രിയങ്കരിയായ നടിയാണ് മേഘ്ന രാജ്.മഴനീർതുള്ളികൾ എന്ന പാട്ടിലൂടെ മലയാളികളുടെ ഹൃദയം കീഴടക്കിയ താരമാണ് മേഘ്ന. ഇപ്പോഴിതാ, മേഘ്നയുടെയും ചിരഞ്ജീവിയുടെയും മകനെ കാണാൻ മലയാളികളുടെ പ്രിയ നടൻ ഇന്ദ്രജിത്ത് എത്തിയിരിക്കുകയാണ്.
ഇന്ദ്രജിത്തിനൊപ്പമുള്ള ചിത്രങ്ങൾ മേഘ്ന തന്നെയാണ് പ്രേക്ഷകർക്കായി പങ്കുവച്ചിരിക്കുന്നത്.. ഒരുപാട് കാലങ്ങൾക്ക് ശേഷം നമ്മൾ വീണ്ടും കണ്ടു ഇന്ദ്രൂ,നിങ്ങൾ ബിരിയാണി ആസ്വദിച്ചുവെന്ന് കരുതുന്നു ജൂനിയർ ചിരുവിന് നിങ്ങളുടെ കൂട്ട് ഇഷ്ടമായെന്നും ഉടൻ തന്നെ പൂർണിമയെയും കാണാൻ സാധിക്കുന്നുവെന്ന് പ്രതീക്ഷിക്കുന്നുവെന്നും മേഘ്ന കുറിച്ചു.
https://www.instagram.com/p/CMYvdaPLNuj/?utm_source=ig_web_copy_link
യക്ഷിയും ഞാനും ആയിരുന്നു ആദ്യ മലയാള സിനിമ. ബ്യൂട്ടിഫുള് അടക്കം നിരവധി മലയാള സിനിമകളില് മേഘ്ന രാജ് നായികയായിട്ടുണ്ട്. പിന്നീട് താരം കന്നഡ സിനിമയില് സജീവമാവുകയായിരുന്നു.
കഴിഞ്ഞ ജൂണ് ഏഴിനാണ് ചിരഞ്ജീവി സര്ജ മരിക്കുന്നത്. ഹൃദയാഘാതത്തെ തുടര്ന്നായിരുന്നു മരണം. ഈ സമയം അഞ്ച് മാസം ഗര്ഭിണിയായിരുന്നു മേഘ്ന. ചിരഞ്ജീവിയുടെ മരണത്തില് തളര്ന്നു പോയ മേഘ്നയുടെ ചിത്രങ്ങളും വിഡിയോയും ആരാധകരുടെ ഉള്ളുലച്ചിരുന്നു. ജൂനിയർ ചിരുവിന്റെ വരവോടെയാണ് ആ മുഖം വീണ്ടും പുഞ്ചിരിച്ചു തുടങ്ങിയത്. മകനൊപ്പമുള്ള നിമിഷങ്ങൾ ആസ്വദിക്കുകയാണ് ഇപ്പോൾ താരം.
