ദുബൈ നഗരം രാജകീയ വിവാഹത്തിനുള്ള ഒരുക്കത്തിലാണ്.യു.എ.ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന്‍ റാശിദ് ആല്‍ മക്തൂമിന്റെ മകള്‍ ശൈഖ ലതീഫയുടെ വിവാഹ നിശ്ചയമാണ് ചൊവ്വാഴ്ച . റാസല്‍ ഖൈമയിലെ രാജകുടുംബാംഗമായ ശൈഖ് ഫൈസല്‍ സഊദ് അല്‍ ഖാസിമിയാണ് വരന്‍.
. ദുബൈ കള്‍ച്ചര്‍&ആര്‍ട്‌സ് അതോറിറ്റി, എമിറേറ്റ് ലിറ്ററേച്ചര്‍ ഫൗണ്ടേഷന്‍ എന്നിവയുടെ ഉപാധ്യക്ഷയുമായ ശൈഖ ലത്തീഫ സാഇദ് യുണിവേഴ്‌സിറ്റിയില്‍ നിന്ന് എക്‌സിക്യൂട്ടീവ് എം.ബി.എ നേടിയ ശേഷം ദുബൈ ഹോള്‍ഡിംഗിന്റെ ടീകോം, ദുബൈ ഹെല്‍ത്ത് കെയര്‍ സിറ്റി തുടങ്ങിയ സംരംഭങ്ങളില്‍ പരിശീലനം നേടി. നിലവില്‍ ദുബൈ കേന്ദ്രീകരിച്ച് നടത്തുന്ന നിരവധി കലാസാംസ്‌കാരിക ഉദ്യമങ്ങള്‍ക്ക് നേതൃത്വം നല്‍കിവരികയാണ്. ഷാര്‍ജ സര്‍വകലാശാലയില്‍ നിന്ന് എം.ബി.എ നേടിയ ശൈഖ് ഫൈസല്‍ ഇസ്ലാമിക് ഫിനാന്‍സ് രംഗത്ത പ്രസിദ്ധനാണ്.
