കേരള ആര്‍ട്സ് ലവേഴ്സ് അസോസിയേഷന്‍ (കല) സിംഗപ്പൂരില്‍ ഓണാഘോഷം സംഘടിപ്പിച്ചു. സിംഗപ്പൂര്‍ ഇന്ത്യന്‍ അസോസിയേഷനില്‍ സെപ്റ്റംബര്‍ 25 നാണ് ഓണാഘോഷം സംഘടിപ്പിച്ചത്.
കല പ്രസിഡന്‍റ് ഷാജി ഫിലിപ്പിന്‍റെ അദ്ധ്യക്ഷതയില്‍ ചേര്‍ന്ന ചടങ്ങില്‍ പ്രവാസി എക്സ്പ്രസ് ചീഫ് എഡിറ്റര്‍ രാജേഷ്‌ കുമാര്‍ ഓണാഘോഷം ഉത്ഘാടനം ചെയ്തു. കുട്ടികളുടെയും മുതിര്‍ന്നവരുടെയും കലാപരിപാടികളും, തിരുവാതിരക്കളി, സിംഗപ്പൂര്‍ കൈരളി കലാനിലയം അവതരിപ്പിച്ച നാടന്‍ പാട്ടുകളും, ഗൃഹാതുരത്വം ഉണര്‍ത്തി.
കുട്ടികളുടെയും മുതിര്‍ന്നവരുടെയും, കായികമത്സരങ്ങളും, വടം വലി മത്സരവും, വിഭവസമൃദ്ധമായ സദ്യയും ആഘോഷങ്ങളുടെ ഭാഗമായ് ഒരുക്കിയിരുന്നു. എല്ലാ പ്രൌഡിയോടും കൂടിയ മഹാബലിയും ഓണാഘോഷത്തിന് മാറ്റേകി..
ഫോട്ടോസ്: വിനയന്‍
