സന്ദര്ശക വീസക്കാര്ക്ക് ഷാര്ജയിലേക്ക് യാത്ര ചെയ്യാമെന്ന അറിയിപ്പ് എയര് അറേബ്യ പിന്വലിച്ചു
ഷാര്ജ: ഇന്ത്യ ഉള്പ്പെടെയുള്ള നാല് രാജ്യങ്ങളില് നിന്നുള്ള സന്ദര്ശക വിസക്കാര്ക്ക് ഷാര്ജയിലേക്ക് യാത്ര ചെയ്യാമെന്ന അറിയിപ്പ് പിന്വലിച്ചു. ഷാര്ജ ആസ്ഥാനമായുള്ള വിമാനക്കമ്പനിയായ എയര് അറേബ്യയാണ് നേരത്തെ തങ്ങളുടെ വെബ്സൈറ്റില് ഇത്തരത്തിലൊരു അറിയിപ്പ് പ്രസിദ്ധീകരിച്ചത്. എന്നാല് പിന്നീട് ഇത് പിന്വലിക്കുകയായിരുന്നു.
ഇന്ത്യയ്ക്ക് പുറമെ പാകിസ്ഥാന്, നേപ്പാള്, ശ്രീലങ്ക എന്നീ രാജ്യങ്ങളില് നിന്നുള്ളവര്ക്കും സന്ദര്ശക വീസകളില് മുന്കൂര് അനുമതിയുടെയോ രജിസ്ട്രേഷന്റെയോ ആവശ്യമിതെ ഷാര്ജയിലേക്ക് വരാമെന്നും യാത്രക്കാരുടെ കൊവിഡ് വാക്സിനേഷന് യാത്രാ നിബന്ധനയായി പരിശോധിക്കില്ലെന്നും നേരത്തെ അറിയിപ്പില് പറഞ്ഞിരുന്നു. എന്നാല് ഇത് പിന്നീട് വെബ്സൈറ്റില് നിന്നും നീക്കം ചെയ്യുകയായിരുന്നു.
