കേരള ഗവർണറായി ആരിഫ് മുഹമ്മദ് ഖാൻ ചുമതലയേറ്റു, സത്യപ്രതിജ്ഞ മലയാളത്തിൽ

തിരുവനന്തപുരം: കേരളത്തിന്റെ 22-ാമത് ​ഗവർണറായി ആരിഫ് മുഹമ്മദ് ഖാൻ ചുമതലയേറ്റു. ചീഫ് ജസ്റ്റിസ് ഋഷികേശ് റോയ് സത്യവാചകം ചൊല്ലിക്കൊടുത്തു. മലയാളത്തിൽ സത്യവാചകം ചൊല്ലിയാണ് ആരിഫ് മുഹമ്മദ് ഖാൻ കേരളത്തിന്റെ ​ഗവർണറായി ചുമതലയേറ്റത്. മുഖ്യമന്ത്രി പിണറായി വിജയൻ, കടകംപള്ളി സുരേന്ദ്രൻ, കെ ടി ജലീൽ തുടങ്ങിയവർ ചടങ്ങിൽ പങ്കെടുത്തു.

പ്രതിപക്ഷ നേതാവ് രമേശ് ചെന്നിത്തല,​ സ്പീക്കർ പി ശ്രീരാമകൃഷ്ണൻ,​ മന്ത്രിമാരായ കെ.ടി ജലീൽ,​ കടകംപള്ളി സുരേന്ദ്രൻ,​ കെ.രാജു,​ കടന്നപ്പള്ളി രാമചന്ദ്രൻ,​ എ.കെ ബാലൻ,​ ഇ.പി ജയരാജൻ,​ മേഴ്സിക്കുട്ടിയമ്മ എന്നിവർ ചടങ്ങിൽ സന്നിഹിതരായി.

ഇന്നലെ രാവിലെയാണ് അദ്ദേഹം തിരുവനന്തപുരത്തെത്തിയത്. മന്ത്രിമാരായ എ കെ ബാലൻ, ഇ ചന്ദ്രശേഖരൻ, കടകംപള്ളി സുരേന്ദ്രൻ, കെ ടി ജലീൽ, കടന്നപ്പള്ളി രാമചന്ദ്രൻ എന്നിവരും മറ്റ് ഉദ്യോ​ഗസ്ഥരും ചേർന്നാണ് ആരിഫ് മുഹമ്മദ് ഖാനെ സ്വീകരിച്ചത്. മുഖ്യമന്ത്രി രാജഭവനിലെത്തി അദ്ദേഹവുമായി കൂടിക്കാഴ്ച നടത്തിയിരുന്നു.