59 ചൈനീസ് കമ്പനികള്ക്ക് അമേരിക്ക വിലക്കേർപ്പെടുത്തി
അന്പത്തിയൊന്പത് ചൈനീസ് കമ്പനികള്ക്ക് വിലക്ക് ഏര്പ്പെടുത്തി അമേരിക്കന് പ്രസിഡന്റ് ജോ ബൈഡന്. സുരക്ഷാ പ്രശ്നങ്ങള് ചൂണ്ടിക്കാട്ടിയാണ് ചൈനീസ് കമ്പനികള്ക്ക് വിലക്കേര്പ്പെടുത്തിയത്. ഓഗസ്റ്റ് രണ്ടു മുതല് വിലക്ക് നിലവില് വരും.
വിവരങ്ങള് ചോര്ത്തല്, ചാരവൃത്തി എന്നിവ തടയുകയാണ് ലക്ഷ്യമെന്നാണ് വൈറ്റ് ഹൗസ് ഇതുമായി ബന്ധപ്പെട്ട് നല്കുന്ന വിശദീകരണം. ടെക് ഭീമന്മാരായ വാവെയ് അടക്കമുള്ള കമ്പനികളെയാണ് വിലക്കുന്നത്. അമേരിക്കയുടെ തീരുമാനത്തോട് ചൈന ഇതുവരെ പ്രതികരിച്ചിട്ടില്ല.
മുന് പ്രസിഡന്റ് ഡോണള്ഡ് ട്രംപിന്റെ കാലത്ത് അമേരിക്ക-ചൈന വ്യാപാര യുദ്ധം ലോകസാമ്പത്തിക മേഖലയെ ആകെ പിടിച്ചുലച്ചിരുന്നു. ബൈഡന് അധികാരമേറ്റത്തോടെ അയവുണ്ടാകുമെന്ന് പ്രതീക്ഷിച്ചെങ്കിലും ചൈനീസ് കമ്പനികളെ വിലക്കാനുള്ള ട്രംപിന്റെ അതേ നയമാണ് ബൈഡനും പിന്തുടര്ന്നത്.
