വിദേശ രാജ്യങ്ങളില് കുടുങ്ങിക്കിടക്കുന്ന പ്രവാസികളെ തിരികെയെത്തിക്കാൻ ഒരുങ്ങികേന്ദ്രം
ന്യൂഡല്ഹി: കൊറോണയുടെ പശ്ചാത്തലത്തില് വിദേശ രാജ്യങ്ങളില് കുടുങ്ങിക്കിടക്കുന്ന പ്രവാസികളെ തിരിച്ചെത്തിക്കും. ഇതിനായി കേന്ദ്ര വിദേശകാര്യ മന്ത്രാലയം കണ്ട്രോള് റൂമുകള് തുറന്നു. പ്രത്യേക വിമാനത്തിലായിരിക്കും വിദേശങ്ങളില് കുടുങ്ങിക്കിടക്കുന്ന ഇന്ത്യക്കാരെ തിരിച്ചെത്തിക്കുക. മടങ്ങിവരാന് ആഗ്രഹിക്കുന്നവരുടെ കണക്കെടുപ്പ് തുടങ്ങിങ്ങിയിട്ടുണ്ട്. ഓരോരുത്തരെയും വീടിന്റെ തൊട്ടടുത്തുള്ള വിമാനത്താവളത്തിലായിരിക്കും എത്തിക്കുക.
നിരീക്ഷണത്തിന് ശേഷമായിരിക്കും ഇവരെ വീടുകളിലേക്ക് എത്തിക്കുക. എല്ലാ സജ്ജീകരണങ്ങളും ഒരുക്കാന് ചീഫ് സെക്രട്ടറിമാര്ക്ക് നിര്ദ്ദേശം നല്കിയിട്ടുണ്ട്. പ്രവാസികളെ തിരിച്ചെത്തിക്കുന്നതുമായി ബന്ധപ്പെട്ട് കേന്ദ്ര ക്യാബിനറ്റ് സെക്രട്ടറി ചീഫ് സെക്രട്ടറിമാരുമായി വീഡിയോ കോണ്ഫറന്സിങ് വഴി സംസ്ഥാനങ്ങളിലെ തയ്യാറെടുപ്പുകളുടെ വിശദാംശങ്ങള് ചര്ച്ച ചെയ്തിരുന്നു.
മെയ് മൂന്നിന് ലോക്ക്ഡൗൺ അവസാനിക്കുന്നതോട് കൂടി പ്രവാസികളെ തിരികെയെത്തിക്കാനാണു കേന്ദ്രംഒരുങ്ങുന്നതെന്നാണ് റിപ്പോർട്ടുകൾ സൂചിപ്പിക്കുന്നത്. ഇത് സംബന്ധിച്ച് എല്ലാ സംസ്ഥാനങ്ങളുമായി കൂടിയാലോചിച്ച് തീരുമാനം കൈക്കൊള്ളും. പ്രവാസികളുടെ വിവരം ശേഖരിക്കാനുള്ള തീരുമാനമാണ് അടുത്തത്. അന്തിമ രൂപം ഉടനെ അറിയിക്കും. പ്രധാനമന്ത്രിയുടെ ഓഫീസിൽ നിന്നുമുള്ള ഉദ്യോഗസ്ഥർ ഏതാനും മുഖ്യമന്ത്രിമാരുമായി ഇതേപ്പറ്റി സംസാരിച്ചു കഴിഞ്ഞുവെന്നാണ് റിപ്പോർട്ടുകൾ സൂചിപ്പിക്കുന്നത്.
