കാസര്കോട് ഡി.വൈ.എഫ്.ഐ പ്രവര്ത്തകനെ കുത്തിക്കൊന്നു; പിന്നില് ലീഗെന്ന് സി.പി.ഐ.എം
കാസര്കോട്: കാഞ്ഞങ്ങാട് ഡി.വൈ.എഫ്.ഐ പ്രവര്ത്തകനെ കുത്തിക്കൊന്നു. കല്ലൂരാവി പഴയകടപ്പുറത്തെ ഔഫ് അബ്ദുള് റഹ്മാ(32)നാണ് കൊല്ലപ്പെട്ടത്. മൃതദേഹം കാഞ്ഞങ്ങാട് ജില്ല ആശുപത്രിയില് സൂക്ഷിച്ചിരിക്കുകയാണ്. കല്ലുരാവി മുണ്ടത്തോട്ട് ബുധനാഴ്ച രാത്രി 10.30 മണിയോടെയാണ് സംഭവം.ആക്രമണത്തിന് പിന്നില് മുസ്ലിം ലീഗാണെന്ന് സി.പി.ഐ.എം ആരോപിച്ചു.
പ്രദേശത്ത് സി.പി.ഐ.എം-ലീഗ് സംഘര്ഷം നിലനിന്നിരുന്നു. ഔഫിന്റെ സുഹൃത്ത് ഷുഹൈബിനും കുത്തേറ്റു. ഇവര് രണ്ടുപേരും ബൈക്കില് പഴയ കടപ്പുറത്തേക്ക് വരുന്നതിനിടെ കല്ലൂരാവി-പഴയ കടപ്പുറം റോഡില് ഒരുസംഘം അക്രമികള് ത ടഞ്ഞുനിര്ത്തി കുത്തുകയായിരുന്നു. ഇവരുടെ മറ്റ് രണ്ട് സുഹൃത്തുക്കള് മറ്റൊരു ബൈക്കില് പിന്നാലെയുണ്ടായിരുന്നു. ഔഫിന് നെഞ്ചിലാണ് കുത്തേറ്റത്. കുത്തിയ ഉടന് അക്രമികള് ഇരുട്ടിലേക്ക് മറഞ്ഞു. ഔഫിനെ മന്സൂര് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
കാന്തപുരം എപി വിഭാഗത്തിന്റെ സജീവ പ്രവർത്തകൻ കൂടിയാണ് കൊല്ലപ്പെട്ട ഔഫ്. ആക്രമണത്തിൽ പ്രതിഷേധിച്ച് കാ കാഞ്ഞങ്ങാട് നഗരസഭാ പരിധിയിൽ എൽഡിഎഫ് ഇന്ന് ഹർത്താലിന് ആഹ്വാനം ചെയ്തിട്ടുണ്ട്. ഔഫിന്റെ മൃതദേഹം പോസ്റ്റുമോര്ട്ടത്തിനായി പരിയാരം കണ്ണൂര് ഗവ,മെഡിക്കല് കോളേജില് സൂക്ഷിച്ചിരിക്കുകയാണ്. ഔഫിൻ്റെ കൊവിഡ് ഫലം വന്ന ശേഷം ഉച്ചയോടെ പോസ്റ്റ്മോർട്ടമെന്ന് ആശുപത്രി അധികൃതർ അറിയിച്ചു.
