മഴശക്തം: 6 ജില്ലകളിലെ വിദ്യാഭ്യാസ സ്ഥാപനങ്ങൾക്ക് നാളെ അവധി
തിരുവനന്തപുരം: മഴ ശക്തമായി തുടരുന്ന സാഹചര്യത്തില് ആലപ്പുഴ), കൊല്ലം, പത്തനംതിട്ട, കാസർകോട്, കോട്ടയം, എറണാകുളം ജില്ലകളിലെ വിദ്യാഭ്യാസ സ്ഥാപനങ്ങൾക്ക് നാളെ അവധിയായിരിക്കുമെന്ന് ജില്ലാ കളക്ടര്മാർ അറിയിച്ചു. മഴ ശക്തമായി തുടരുന്ന സാഹചര്യത്തിൽ മഹാത്മാ ഗാന്ധി സർവ്വകലാശാലയും കേരളാ സർവകലാശാലയും നാളെ നടത്തേണ്ടിയിരുന്ന പരീക്ഷകൾ മാറ്റിവെച്ചു. കാസര്കോട് ജില്ലയില് സ്കൂളുകള്ക്ക് അവധിയാണ്, പക്ഷേ കോളേജുകള്ക്ക് അവധി ബാധകമല്ല.
എറണാകുളം ജില്ലയില് നാളെ പ്രൊഫഷണല് കോളേജുകള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങളിലും ഓണ്ലൈന് ക്ലാസുകള് മാത്രമാണ് ഉണ്ടാവുക. വിദ്യാര്ത്ഥികള് സ്ഥാപനങ്ങളില് എത്തേണ്ടതില്ല. സിബിഎസ്ഇ, ഐസിഎസ്ഇ സ്കൂളുകള്ക്കും കേന്ദ്രീയ വിദ്യാലയങ്ങള്ക്കും ഉത്തരവ് ബാധകമാണ്. നേരത്തേ നിശ്ചയിച്ച സർവകലാശാല പരീക്ഷകൾക്ക് മാറ്റമില്ല. തിരുവനന്തപുരം ജില്ലയില് നെടുമങ്ങാട്, കാട്ടാക്കട താലൂക്കുകള്ക്ക് നാളെ അവധിയാണ്.
നേരത്തെ നിശ്ചയിച്ചിട്ടുള്ള പൊതുപരീക്ഷകള്ക്ക് മാറ്റമില്ല. മഹാത്മാഗാന്ധി സര്വ്വകലാശാല തിങ്കളാഴ്ച നടത്താന് നിശ്ചയിച്ചിരുന്ന എല്ലാ പരീക്ഷകളും മാറ്റിവച്ചതായി പരീക്ഷാ കണ്ട്രോളര് അറയിച്ചു. പുതുക്കിയ തീയതി പിന്നീട് അറിയിക്കും. കേരള സര്വകലാശാല തിങ്കളാഴ്ച്ച ആരംഭിക്കാനിരുന്ന രണ്ടാം സെമസ്റ്റര് എംഎ, എംഎസ്സി, എംകോം, എംഎസ്ഡബ്ല്യു, എംസിജെ പരീക്ഷകള് മാറ്റിവെച്ചു. നവംബര് 22ന് ഈ പരീക്ഷകള് നടക്കും. കേരള ആരോഗ്യ ശാസ്ത്ര സര്വകലാശാല തിങ്കളാഴ്ച്ച നടത്താനിരുന്ന പരീക്ഷകളും മാറ്റി. പുതുക്കിയ തീയതി സര്വലാശാല വെബ്സൈറ്റില് ഉടന് പ്രസിദ്ധീകരിക്കും.
