പ്രവാസി മലയാളി ജോലിയ്ക്കിടെ ഹൃദയാഘാതം മൂലം മരിച്ചു
ദുബായ്: മലയാളി യുവാവ് ദുബായില് ഹൃദയാഘാതം മൂലം മരിച്ചു. കോഴിക്കോട് പേരാമ്പ്ര മുയിപ്പോത്ത് സ്വദേശി തിരുമംഗലത്ത് സുനീബ് (31) ആണ് മരിച്ചത്. ദുബായിലെ ആശുപത്രിയില് ഓപ്പറേഷന് തീയറ്ററിലായിരുന്നു ജോലി. ഡ്യൂട്ടിക്കിടെ ഹൃദയാഘാതം സംഭവിച്ചാണ് മരണപ്പെട്ടത്.
തിരുമംഗലത്തെ അബൂബക്കര് - സൈനബ ദമ്പതികളുടെ മകനാണ്. ഭാര്യ - ജാസ്മിന് ദുബായില് തന്നെ ഫിസിയോതെറാപ്പിസ്റ്റായി ജോലി ചെയ്യുന്നു. നേരത്തെ ഖത്തറില് ജോലി ചെയ്തിരുന്ന സുനീബ് പിന്നീട് ദുബായില് ജോലിയില് പ്രവേശിക്കുകയായിരുന്നു. മൃതദേഹം നാട്ടിലെത്തിക്കാനുള്ള നടപടികള് പുരോഗമിക്കുന്നതായി ബന്ധുക്കള് അറിയിച്ചു.
