മിനി സ്കർട്ട് ധരിച്ച പെൺകുട്ടികളെ ബലാത്സംഗം ചെയ്യണമെന്നാവശ്യപ്പെട്ട സ്ത്രീയുടെ പഴയ ചിത്രം വൈറൽ
കഴിഞ്ഞ ദിവസം ഗുരുഗ്രാമിലെ ഒരു ഹോട്ടലില്‍ വച്ചാണ് ഇറക്കമില്ലാത്ത വസ്ത്രം ധരിച്ചെത്തിയ പെണ്‍കുട്ടികളെ മധ്യവയസ്ക അപമാനിച്ചത്. പെണ്‍കുട്ടികളില്‍ ഒരാളുടെ വസ്‌ത്രത്തിന്‌ ഇറക്കം പോരാ എന്നായിരുന്നു സ്ത്രീയുടെ പരാതിയിലായിരുന്നു തുടക്കം. ഇത്തരം വസ്ത്രം ധരിക്കാന്‍ നാണമില്ലേ? എന്ന്‌ ചോദിച്ചായിരുന്നു സ്ത്രീ ബഹളം തുടങ്ങിയത്‌. തുടര്ന്ന് ഇറക്കം കുറഞ്ഞ വസ്ത്രം ധരിക്കുന്ന പെണ്‍ക്കുട്ടികളെ ബലാത്സ൦ഗം ചെയ്യണമെന്ന് ചുറ്റുമുണ്ടായിരുന്ന ഏഴ് പുരുഷന്മാരോടായി സ്ത്രീ പറഞ്ഞു.
ആദ്യമൊക്കെ സ്ത്രീയുടെ പരാമര്‍ശം കാര്യമാക്കാതിരുന്ന പെണ്‍കുട്ടികള്‍ പിന്നീട് തീരുമാനം മാറ്റുകയായിരുന്നു. സ്ത്രീയെ പിന്തുടർന്ന് സമീപത്തെ ഷോപ്പിംഗ് സെന്‍ററിലെത്തിയ പെൺകുട്ടികൾ അവരോട് മാപ്പു പറയാൻ ആവശ്യപ്പെട്ടെങ്കിലും അവര്‍ അതിന് കൂട്ടാക്കിയില്ല.
തുടര്ന്ന് ആ സ്ത്രീ തങ്ങളോട്‌ മാപ്പ് പറഞ്ഞേ മതിയാവൂ എന്ന്‌ പെണ്‍കുട്ടികള്‍ നിര്‍ബന്ധം പിടിച്ചു. തന്നെ മൊബൈല്‍ ക്യാമറയുമായി പിന്തുടര്‍ന്ന പെണ്‍കുട്ടികളോട്‌ മാപ്പ് പറയാന്‍ അവരാദ്യം തയ്യാറായില്ല. തുടര്ന്ന് വന്‍ വാഗ്വാദമാണ്‌ ഇരുകൂട്ടരും തമ്മിലുണ്ടായത്‌. സ്ത്രീയും പെണ്‍കുട്ടികളും തമ്മിലുള്ള വാക്കേറ്റത്തിന്‍റെ വീഡിയോ സോഷ്യല്‍ മീഡിയയില്‍ വൈറലായിരുന്നു.
രണ്ട്‌ വയസ്സുള്ള കുഞ്ഞും 80 വയസ്സുള്ള സ്ത്രീയും ബലാത്സംഗം ചെയ്യപ്പെടുന്നത്‌ വസ്‌ത്രധാരണരീതിയുടെ കുഴപ്പം കൊണ്ടാണോയെന്ന്‌ പെണ്‍കുട്ടികള്‍ ചോദിക്കുന്നതും വീഡിയോയിലുണ്ട്‌. പെണ്‍കുട്ടികളുടെ പ്രതിഷേധത്തെ തുടര്ന്ന് പിന്നീട് ഇവര്‍ മാപ്പ് പറഞ്ഞിരുന്നു.
എന്നാൽ മിനി സ്കർട്ട് ധരിച്ച പെൺകുട്ടികളെ ബലാത്സംഗം ചെയ്യാൻ പുരുഷന്മാരോട് ആവശ്യപ്പെട്ട സ്ത്രീയുടെ പഴയ ഇൻസ്റ്റഗ്രാം ചിത്രംമാണ് ഇപ്പോൾ വൈറലാവുന്നത്. ഇവരുടെ വീഡിയോ സോഷ്യൽ മീഡിയയിൽ വൈറലായതിനു പിന്നാലെ ആരോ പഴയ ചിത്രം കുത്തിപ്പൊക്കുകയായിരുന്നു.
ഇറക്കം കുറഞ്ഞ വസ്ത്രം ധരിച്ചതിന് പെണ്‍കുട്ടികളെ അധിക്ഷേപിച്ച ഇവര്‍ സ്വയം ഇറക്കം കുറഞ്ഞ വസ്ത്രം ധരിച്ച് നില്‍ക്കുന്ന ചിത്രമാണ് ഇപ്പോള്‍ പ്രചരിക്കുന്നത്. ഇവരുടെ ഇന്‍സ്റ്റഗ്രാം അക്കൗണ്ടിലാണ് ചിത്രം പോസ്റ്റ് ചെയ്തിരിക്കുന്നത്.
