'സെക്സ് എഡ്യൂക്കേഷൻ' മൂന്നാം സീസൺ; റിലീസ് തീയതി പുറത്തുവിട്ടു
ലോകമെമ്പാടും നിരവധി ആരാധകരുള്ള നെറ്റ്ഫ്ലിക്സ് സീരീസായ സെക്സ് എഡ്യൂക്കേഷന്റെ മൂന്നാം സീസൺ റിലീസിങ്ങ് തീയതി പ്രഖ്യാപിച്ചു. സെപ്റ്റംബർ 17 നാണ് റിലീസ്. ലോറി നൺ തയ്യാറാക്കിയ ഈ ബ്രിട്ടീഷ് ഷോ 2020 ഫെബ്രുവരി മുതലാണ് നെറ്റ്ഫ്ലിക്സിൽ സംപ്രേക്ഷണം ചെയ്ത് തുടങ്ങിയത്. എട്ട് എപ്പിസോഡുകളാണ് മൂന്നാം സീസണിൽ ഉള്ളത്.
ആസ ബട്ടർഫീൽഡ്, എമ്മ മാക്കി, ഗില്ലിയൻ ആൻഡേഴ്സൺ, എമി ലൂ വുഡ് തുടങ്ങിയവരാണ് പ്രധാന താരങ്ങൾ. ഏതാനും ഹൈസ്കൂൾ കുട്ടികളുടെ ജീവിതവും പ്രണയവും ലൈംഗികതയുമായി അവരുടെ ബന്ധവുമാണ് സെക്സ് എഡ്യുക്കേഷൻ പ്രമേയമാക്കിയിരിക്കുന്നത്. ലോകമെമ്പാടുമുള്ള പ്രേക്ഷകരുടെ ഇടയിൽ വലിയ വിജയമായി മാറിയ ഷോയ്ക്ക് ഇന്ത്യയ്ക്ക് അകത്തും ആരാധകർ ഏറെയാണ്.
