ആദിത്യയിലൂടെ അഞ്ചുപേര്ക്ക് പുതുജീവിതം
തിരുവനന്തപുരം: വാഹനാപകടത്തില് മസ്തിഷ്ക മരണം സംഭവിച്ച ആദിത്യയിലൂടെ അഞ്ചുപേര്ക്ക് പുതുജീവിതം.. 2020ലെ ആദ്യ അവയവദാനം നടന്നത് ശാസ്തമംഗലം ടി സി 9/1418 ബിന്ദുലയിൽ മനോജ്-ബിന്ദു ദമ്പതികളുടെ മകന് ആദിത്യ (21) യിലൂടെയായിരുന്നു. ഡിസംബര് 29നാണ് വെള്ളയമ്പലം- ശാസ്തമംഗലം റോഡിലുണ്ടായ വാഹനാപകടത്തില് ആദിത്യയ്ക്ക് ഗുരുതരമായി പരിക്കേറ്റത്.
കിംസ് ആശുപത്രിയില് ചികിത്സയിലിരിക്കെ വ്യാഴാഴ്ച ഡോക്ടര്മാര് മസ്തിഷ്കമരണം സ്ഥിരീകരിച്ചു. മകന്റെ മരണം ഉറപ്പായ നിമിഷം അവയവദാനത്തിന്റെ പ്രസക്തി മനസിലാക്കി മനോജ് മകന്റെ അവയവങ്ങള് ദാനം ചെയ്യുകയെന്ന വിലപ്പെട്ട തീരുമാനമെടുക്കുകയായിരുന്നു
മകന്റെ മരണം താങ്ങാവുന്നതിലപ്പുറമാണെങ്കിലും അമ്മ ബിന്ദുവും അദിത്യയുടെ സഹോദരി സ്വാതികയും ആ തീരുമാനത്തിന് പിന്തുണയേകി. സംസ്ഥാന സര്ക്കാരിന്റെ മരണാനന്തര അവയവദാന ഏജന്സിയായ മൃതസഞ്ജീവനി അപ്രോപ്രിയേറ്റ് അതോറിറ്റിയും മെഡിക്കല് വിദ്യാഭ്യാസ ഡയറക്ടറുമായ ഡോ. എ റംലാബീവി അവയവദാനത്തിന് വേണ്ട നടപടികള് സ്വീകരിച്ചു. ഒരു വൃക്ക മെഡിക്കൽ കോളജ് ആശുപത്രിയിലെ രോഗിയ്ക്കും ഒരു വൃക്കയും കരളും കിംസ് ആശുപത്രിയിലും നേത്രപടലങ്ങൾ കണ്ണാശുപത്രിയിലും നൽകി.
കിംസ് ജീവനക്കാര് ആദിത്യയ്ക്ക് നല്കിയ അന്ത്യാഞ്ജലി ..
https://www.facebook.com/PravasiExpress/videos/311189316490824/
