ആഗസ്ത് 7 വരെ ഇന്ത്യ-യുഎഇ വിമാന സര്വീസില്ലെന്ന് എമിറേറ്റ്സ് എയര്ലൈന്സ്
ഇന്ത്യയില് നിന്ന് യു എ ഇയിലേക്ക് ആഗസ്റ്റ് 7 വരെ വിമാന സര്വീസ് ഉണ്ടാകില്ലെന്ന് എമിറേറ്റ്സ് എയര്ലൈന്സ്. യാത്രക്കാരുടെ ചോദ്യത്തിന് നല്കിയ മറുപടിയിലാണ് എമിറേറ്റ്സ് ഇക്കാര്യം അറിയിച്ചത്. കൊവിഡ് വ്യാപനത്തിന് പിന്നാലെയാണ് ഇന്ത്യയില് നിന്ന് യു എ ഇയിലേക്ക് വിമാന സര്വീസ് നിര്ത്തിവെച്ചത്.
ഏപ്രില് 25 മുതല് ഇന്ത്യയില് നിന്ന് യു എ ഇയിലേക്ക് വിമാന സര്വീസില്ല. ഇന്ത്യയില് നിന്നുള്ള യാത്രാവിലക്ക് ആഗസ്ത് 2 വരെ നീട്ടിയെന്ന് നേരത്തെ ഇത്തിഹാദ് എയര്ലൈന്സ് അറിയിച്ചിരുന്നു. വിലക്ക് ഇനിയും നീട്ടിയേക്കുമെന്നും അധികൃതര് അറിയിക്കുകയുണ്ടായി.
യു എ ഇയിലേക്കുള്ള യാത്രാവിലക്ക് എപ്പോള് അവസാനിക്കുമെന്ന് പറയാന് കഴിയില്ലെന്നും തീരുമാനമെടുക്കേണ്ടത് സര്ക്കാരാണെന്നും എമിറേറ്റ്സ് എയര്ലൈന്സ് നേരത്തെ വ്യക്തമാക്കിയിട്ടുണ്ട്. യാത്രാവിലക്ക് നിലനില്ക്കുന്ന രാജ്യങ്ങളില് നിന്ന് ഇനിയൊരു അറിയിപ്പുണ്ടാകുന്നതുവരെ വിമാന സര്വീസ് ഉണ്ടാകില്ലെന്ന് യു എ ഇ ജനറല് സിവില് ഏവിയേഷന് അതോറിറ്റി അറിയിച്ചിട്ടുണ്ട്. അതത് രാജ്യങ്ങളിലെ കൊവിഡ് സ്ഥിതിഗതികള് സസൂക്ഷ്മം വിലയിരുത്തി വരികയാണ്.
എല്ലാ തലങ്ങളും പരിശോധിച്ചാകും വിമാന സര്വീസ് പുനരാരംഭിക്കുന്നത് സംബന്ധിച്ച തീരുമാനം കൈക്കൊള്ളുകയെന്നും യു എ ഇ സിവില് ഏവിയേഷന് അതോറിറ്റി വ്യക്തമാക്കിയിട്ടുണ്ട്. നയതന്ത്ര പ്രതിനിധികള്, ഗോള്ഡന് വിസ, ഇന്വസ്റ്റര് വിസ എന്നിവയുള്ളവര്ക്ക് യു എ ഇയില് വരുന്നതിന് തടസമില്ല.
