തൃശൂരില് പോക്സോ കേസ് പ്രതിയെ വെട്ടിക്കൊന്നു
തൃശൂര്: തൃശൂര് പഴയന്നൂര് എളനാട് പോക്സോ കേസ് പ്രതിയെ കൊല്ലപ്പെട്ട നിലയിൽ കണ്ടെത്തി. എളനാട് സ്വദേശിനിയായ ആദിവാസി യുവതിയെ പീഡിപ്പിച്ച കേസിലെ പ്രതിയായ സതീഷ്(37) എന്ന കുട്ടനാണ് കൊല്ലപ്പെട്ടത്.
കോളനിക്ക് സമീപമുള്ള ഒഴിഞ്ഞ പറമ്പിലാണ് സതീഷിനെ മരിച്ച നിലയിൽ കണ്ടെത്തിയത്. കോളനിവാസികളാണ് സതീഷിനെ മരിച്ച നിലയിൽ കണ്ടെത്തിയത്. ഇതിന് പിന്നാലെ ഇവർ പൊലീസിനെ വിവരം അറിയിക്കുകയായിരുന്നു.
കോവിഡ് വ്യാപനം രൂക്ഷമായ പശ്ചാത്തലത്തില് ജയില്പുളളികള്ക്ക് പരോള് അനുവദിച്ചിരുന്നു. ഇതനുസരിച്ച് രണ്ട് മാസമായി ഇയാള് പരോളില് നാട്ടിലുണ്ടായിരുന്നു. ആദിവാസി പെൺകുട്ടിയെ പീഡിപ്പിച്ചതിന് പോക്സോ കേസ് അടക്കം ഏഴ് കേസുകളിലെ പ്രതിയാണ് സതീഷ്. പഴയന്നൂര് പോലീസ് അന്വേഷണം തുടങ്ങി.
