'തീപ്പിടിച്ച് സോഷ്യല് മീഡിയ'; പുഷ്പ 2-ന്റെ പുതിയ പോസ്റ്റര് പുറത്ത്
ആരാധാകര് ഏറെ പ്രതീക്ഷയോടെ കാത്തിരിക്കുന്ന പുഷ്പ 2 ഡിസംബര് അഞ്ചിന് ലോകം മുഴുവനുമുള്ള തീയേറ്ററില് റിലീസാവാനിരിക്കെ സിനിമയുടെ പുതിയ പോസ്റ്റര് പുറത്ത്. വലതുതോളില് തോക്കുവെച്ച് നടന്നുവരുന്ന പുഷ്പയുടെ ചിത്രത്തോടെയുള്ള പോസ്റ്റര് അല്ലു അര്ജന് തന്നെയാണ് തന്റെ ഫെയ്സ്ബുക്ക് പേജിലൂടെ പുറത്തുവിട്ടത്. നവംബര് 17-ന് വൈകുന്നേരം 6.03-ന് ആണ് സിനിമയുടെ ട്രെയിലര് റിലീസ്. ഇതിന് മുന്നോടിയായിട്ടാണ് പുതിയ പോസ്റ്റര്.
തിയേറ്ററുകള്തോറും ഇതുവരെ കാണാത്ത വിധത്തിലുള്ള ഗംഭീരമായ റിലീസിങ് മാമാങ്കത്തിനാണ് നിര്മാതാക്കളായ മൈത്രി മൂവി മേക്കേഴ്സും സുകുമാര് റൈറ്റിംഗ്സും പദ്ധതിയിടുന്നത്.
പുഷ്പയുടെ രണ്ടാം ഭാഗം കേരളത്തില് വിതരണത്തിനെത്തിക്കുന്നത് ഇ ഫോര് എന്റര്ടെയ്ന്മെന്റ്സാണ്. ചിത്രം ഇതിനകം 1000 കോടി രൂപയുടെ പ്രീ-റിലീസ് ബിസിനസ് നേടിക്കഴിഞ്ഞുവെന്നാണ് ട്രേഡ് അനലിസ്റ്റുകള് പുറത്തുവിട്ടിരിക്കുന്ന റിപ്പോര്ട്ട്. റോക്ക് സ്റ്റാര് ദേവിശ്രീ പ്രസാദിന്റെ സംഗീതവും അതിശയിപ്പിക്കുന്ന ദൃശ്യങ്ങളും പ്രേക്ഷക പ്രതീക്ഷ വര്ധിപ്പിക്കുന്നു.
https://www.facebook.com/AlluArjun/posts/pfbid0tWgXrAS6XN7LmJAD2Ma6XVV4oX5Eu8yY6TRZcqS61zjhzRb2A3YDEEt9pMvyTTqxl
സുകുമാര് സംവിധാനം ചെയ്ത 'പുഷ്പ ദ റൈസ്' ആദ്യഭാഗം രണ്ട് ദേശീയ ചലച്ചിത്ര പുരസ്കാരങ്ങളും ഏഴ് സംസ്ഥാന ചലച്ചിത്ര പുരസ്കാരങ്ങളും നേടിയിരുന്നു. ചിത്രത്തില് അല്ലു അര്ജുന് പുറമെ രശ്മിക മന്ദാന, ഫഹദ് ഫാസില്, സുനില്, ജഗപതി ബാബു, പ്രകാശ് രാജ് തുടങ്ങിയവരാണ് പ്രധാന കഥാപാത്രങ്ങളായുള്ളത്.
കഥ-തിരക്കഥ-സംവിധാനം: സുകുമാര് ബന്ദ്റെഡ്ഡി, നിര്മ്മാതാക്കള്: നവീന് യെര്നേനി, രവിശങ്കര് യലമഞ്ചിലി, സി.ഇ.ഒ: ചെറി, സംഗീതം: ദേവി ശ്രീ പ്രസാദ്, ഛായാഗ്രാഹകന്: മിറെസ്ലോ ക്യൂബ ബ്രോസെക്, പ്രൊഡക്ഷന് ഡിസൈനര്: എസ്. രാമകൃഷ്ണ-മോണിക്ക നിഗോത്രേ, ഗാനരചയിതാവ്: ചന്ദ്ര ബോസ്, ബാനറുകള്: മൈത്രി മൂവി മേക്കേഴ്സ്, സുകുമാര് റൈറ്റിംഗ്സ്, മാര്ക്കറ്റിംഗ് ഹെഡ്: ശരത്ചന്ദ്ര നായിഡു, പി.ആര്.ഒ: ഏലൂരു ശ്രീനു, മാധുരി മധു, ആതിര ദില്ജിത്ത്, മാര്ക്കറ്റിങ്: ഫസ്റ്റ് ഷോ.
