മാസപ്പിറവി കണ്ടു; ഇനി വ്രതശുദ്ധിയുടെ നാളുകൾ...
കോഴിക്കോട്: മാസപ്പിറവി കണ്ടതിനെ തുടർന്ന് റമസാൻ ഒന്ന് തിങ്കളാഴ്ചയായിരിക്കുമെന്ന് പാണക്കാട് ഹൈദരലി ശിഹാബ് തങ്ങൾ, ജിഫ്‌രി മുത്തുക്കോയ തങ്ങൾ, പ്രഫ. ആലിക്കുട്ടി മുസല്യാർ, കോഴിക്കോട് വലിയ ഖാസി പാണക്കാട് നാസിർ ഹയ്യ് ശിഹാബ് തങ്ങൾ, കാപ്പാട് ഖാസി പി.കെ.ശിഹാബുദീൻ ഫൈസി, കോഴിക്കോട് ഖാസി മുഹമ്മദ്‌ കോയ തങ്ങൾ ജമലുലൈലി, ഖാസി ഇമ്പിച്ചമ്മദ് ഹാജി എന്നിവർ അറിയിച്ചു. തിരുവനന്തപുരത്തും മാസപ്പിറവി ദൃശ്യമായി. ഇനിയുള്ള ഒരു മാസക്കാലം മുസ്ലിം വിശ്വാസികൾക്ക് ആത്മസംസ്‌കരണത്തിന്റെയും വ്രതശുദ്ധിയുടെയും നാളുകളാണ്.
