ഉയരെ റിലീസിന് തയ്യാറെടുക്കുന്നു
ആസിഫ് അലി, ടോവിനോ തോമസ്, രണ്ജി പണിക്കർ, പാർവതി, സംയുക്ത മേനോൻ, അനാർക്കലി മരയ്ക്കാർ എന്നിവർ പ്രധാന കഥാപാത്രങ്ങളായി എത്തുന്ന ഉയരെ എന്ന ചിത്രം റിലീസിന് തയ്യാറെടുക്കുന്നു. ആസിഡ് ആക്രമണത്തിന് ഇരയായ യുവതിയുടെ കഥ പറയുകയാണ് ഉയരെ എന്ന ചിത്രത്തിലൂടെ. ബോബി-സഞ്ജയ് കൂട്ടുകെട്ടിൽ തിരക്കഥയൊരുക്കിയ ഈ ചിത്രത്തിൽ പല്ലവി എന്നാണ് പാർവതി അവതരിപ്പിക്കുന്ന പ്രധാനകഥാപാത്രത്തിന്റെ പേര്. എസ്ക്യൂബ് പ്രൊഡക്ഷൻസിന്റെ ബാനറിൽ ഷേനുഗ, ഷേഗ്ന, ഷേർഗ എന്നിവർ ചിത്രം നിർമിക്കുന്നു.
