തെന്നിന്ത്യയില് ഏറ്റവും പ്രതിഫലം വാങ്ങുന്ന രണ്ടാമത്തെ നായികയായി സാമന്ത
നടി സമന്ത രൂത്ത് പ്രഭു തന്റെ പ്രതിഫലം അഞ്ച് കോടിയായി ഉയർത്തിയെന്ന് റിപ്പോർട്ട്. അങ്ങനെയെങ്കിൽ തെന്നിന്ത്യയില് ഏറ്റവും പ്രതിഫലം വാങ്ങുന്ന രണ്ടാമത്തെ നായികയായിരിക്കുകയാണ് താരം. നയന്താരയാണ് ഒന്നാമത്.
ഫാമിലി മാന് 2, പുഷ്പ എന്നിവയ്ക്ക് ശേഷമാണ് സമന്തയുടെ താരമൂല്യം ഉയർന്നത്. നാല് മിനിറ്റോളം ദൈര്ഘ്യമുള്ള പുഷ്പയിലെ ഗാനരംഗത്തിന് അഞ്ച് കോടിയോളമായിരുന്നു സാമന്തയുടെ പ്രതിഫലമെന്നും റിപ്പോർട്ടുകളുണ്ട്.
ഗൗതം മേനോന് സംവിധാനം ചെയ്ത വിണ്ണൈത്താണ്ടി വരുവായ എന്ന തമിഴ്ചിത്രത്തിലൂടെ 2010 ലാണ് സാമന്ത സിനിമയില് അരങ്ങേറ്റം കുറിച്ചത്. വിഘ്നേഷ് ശിവന് സംവിധാനം ചെയ്യുന്ന കാത്തുവാക്കുല രണ്ടു കാതല്, ശാകുന്തളം, യശോദ എന്നിവയാണ് സാമന്തയുടെ ഏറ്റവും പുതിയ ചിത്രങ്ങള്.
