സിംഗപ്പൂരിലെ കുരുന്നുകൾക്ക് ആദ്യാക്ഷരം പകർന്നുനൽകാൻ ശ്രീകുമാരൻ തമ്പി

സിംഗപ്പൂർ: വിജയദശമി ദിനത്തിൽ സിംഗപ്പൂരിലെ കുരുന്നുകൾക്കായി കല സിംഗപ്പൂർ സംഘടിപ്പിക്കുന്ന വിദ്യാരംഭച്ചടങ്ങിന് ഇത്തവണ മലയാളത്തിന്റെ പ്രിയപ്പെട്ട കവി, ഗാനരചയിതാവ്, സംഗീതസംവിധായകൻ, തിരക്കഥാകൃത്ത്, ചലച്ചിത്രകാരൻ എന്നീ നിലകളിൽ ശ്രദ്ധേയനായ ശ്രീകുമാരൻ തമ്പി നേതൃത്വം നൽകും.

ഒക്ടോബർ 21 ബുധനാഴ്ച രാവിലെ 7.30 മുതൽ 10.30 വരെ സയ്യിദ് ആൽവി റോഡിലെ ആര്യ സമാജ് ഹാളിലാണ് ചടങ്ങ്. മലയാള ഭാഷയ്ക്കും സാഹിത്യത്തിനും ചലച്ചിത്രഗാനശാഖയ്ക്കും മലയാള സിനിമയ്ക്കും വിലമതിക്കാനാവാത്ത സംഭാവനകൾ നൽകിയ ബഹുമുഖപ്രതിഭയുടെ കൈകളിലൂടെ കുട്ടികൾ അറിവിന്റെ ആദ്യാക്ഷരം കുറിക്കുന്ന അപൂർവാവസരമാണിത്.

കവിതയിലും ഗാനരചനയിലും സംഗീതത്തിലും ചലച്ചിത്ര സംവിധാനത്തിലും തിരക്കഥാരചനയിലും ഒരുപോലെ വ്യക്തിമുദ്ര പതിപ്പിച്ച ശ്രീകുമാരൻ തമ്പിയുടെ ഗുരുസാന്നിധ്യം കല സിംഗപ്പൂരിനും സിംഗപ്പൂർ മലയാളി സമൂഹത്തിനും അഭിമാനകരമായ നിമിഷമാകുമെന്ന് സംഘാടകർ അറിയിച്ചു.

എല്ലാ വർഷവും വിജയദശമി ദിനത്തിൽ കല സിംഗപ്പൂർ സംഘടിപ്പിക്കുന്ന വിദ്യാരംഭം, പ്രവാസജീവിതത്തിനിടയിലും പുതുതലമുറയെ മാതൃഭാഷയോടും കേരളത്തിന്റെ സാംസ്കാരിക പാരമ്പര്യത്തോടും ചേർത്തുനിർത്തുന്ന ശ്രദ്ധേയമായ സംരംഭമാണ്.

വിദ്യാരംഭത്തിൽ പങ്കെടുക്കാൻ ആഗ്രഹിക്കുന്ന കുട്ടികളുടെ മാതാപിതാക്കൾ മുൻകൂട്ടി രജിസ്റ്റർ ചെയ്യണം. രജിസ്ട്രേഷനും കൂടുതൽ വിവരങ്ങൾക്കും ബന്ധപ്പെടുക: സന്തോഷ് — 9236 6745, ബിനു — 8200 4085, ശ്രീകാന്ത് — 8156 3195, ഷാജി — 9188 9617.

വേദി: ആര്യ സമാജ് ഹാൾ, 113 സയ്യിദ് ആൽവി റോഡ്, സിംഗപ്പൂർ 207681തീയതി: 2026 ഒക്ടോബർ 21, ബുധനാഴ്ചസമയം: രാവിലെ 7.30 മുതൽ 10.30 വരെ

Kala Singapore will organise its annual Vidyarambham ceremony for children on Vijayadashami, October 21, 2026, at Arya Samaj Hall. Renowned poet, lyricist, filmmaker and music director Sreekumaran Thampi will guide the children as they take their first steps into the world of learning. Parents interested in registering their children are encouraged to contact the organisers at the earliest.