തൃക്കൊടിത്താനത്ത് മകന് അമ്മയെ കഴുത്തറുത്ത് കൊന്നു; കൊലപാതകം അയല്വാസികളെ വിളിച്ചറിയിച്ചു
ചങ്ങനാശേരി: ചങ്ങനാശ്ശേരിയില് മകന് അമ്മയെ കഴുത്തറുത്ത് കൊന്നു. തൃക്കൊടിത്താനം സ്വദേശി കുഞ്ഞന്നാമ്മ (55) ആണ് കൊല്ലപ്പെട്ടത്. സംഭവവുമായി ബന്ധപ്പെട്ട് മകൻ നിതിൻ ബാബുവിനെ (27) പൊലീസ് കസ്റ്റഡിയിൽ എടുത്തു. ഇന്നലെ രാത്രി പത്തരയോടെ ഇവരുടെ വീട്ടിൽ വച്ചായിരുന്നു സംഭവം.
മകന് അമ്മയുമായി വഴക്കുണ്ടാക്കുകയും തുടര്ന്ന് കൊലപ്പെടുത്തുകയുമായിരുന്നുവെന്ന് പോലീസ് പറഞ്ഞു. കൊലപാതകത്തെ തുടര്ന്ന് ജിതിന് ബാബു അയല് പക്കത്തെ വീട്ടില് ഫോണില് വിളിച്ച് വീട്ടില് വന്നാല് ഒരു സംഭവം കാണാം എന്ന് അറിയിക്കുകയായിരുന്നു.
വീടിനു മുന്നിലുള്ള ഗ്രിൽ പുറത്തു നിന്നു പൂട്ടിയ നിലയിലായിരുന്നു. പൊലീസ് എത്തി ഗ്രിൽ പൊളിച്ച് വീടിനുള്ളിൽ കടന്നപ്പോൾ കിടപ്പുമുറിയിൽ കുഞ്ഞന്നാമ്മയെ കഴുത്തറത്ത നിലയിൽ കണ്ടെത്തുകയായിരുന്നു. മൃതദേഹം പോസ്റ്റുമോര്ട്ടത്തിനായി കോട്ടയം മെഡിക്കല് കോളേജിലേക്ക് മാറ്റിയിരിക്കുകയാണ്.
