കളമശ്ശേരിയില് 17കാരനെ മര്ദിച്ച ഏഴംഗ സംഘത്തിലെ ഒരാൾ തൂങ്ങിമരിച്ച നിലയിൽ
കൊച്ചി: കളമശ്ശേരിയില് 17-കാരനെ മര്ദിച്ച കേസിലെ പ്രതികളിലൊരാള് തൂങ്ങി മരിച്ച നിലയില്. കളമശ്ശേരി ഗ്ലാസ് ഫാക്ടറി കോളനി സ്വദേശിയായ 17 കാരനാണ് മരിച്ചത്. ഇന്ന് രാവിലെ വീടിനുള്ളില് തൂങ്ങിമരിച്ച നിലയിലാണ് കണ്ടെത്തിയത്.
ആത്മഹത്യാ ശ്രമം ശ്രദ്ധയിൽ പെട്ട് സ്വകാര്യ ആശുപത്രിയിൽ എത്തിച്ചെങ്കിലും മരിക്കുകയായിരുന്നു. ഇന്നു ശിശുക്ഷേമ സമിതി മൊഴിയെടുക്കാനിരിക്കെയാണ് ഇത്. കളമശ്ശേരി ഗ്ലാസ് ഫാക്ടറി കോളനി സ്വദേശിയായ 17 കാരനാണ് മരിച്ചത്.
അക്രമികളുടെ സംഘത്തിൽ പ്രായപൂർത്തിയായ ഒരാളും ബാക്കിയെല്ലാവരും 18 വയസിൽ താഴെയുള്ളവരുമായിരുന്നു. അതുകൊണ്ടു തന്നെ പ്രായപൂർത്തിയാകാത്ത കുട്ടികളെ പൊലീസ് കസ്റ്റഡിയിലെടുത്തെങ്കിലും മാതാപിതാക്കളെ വിളിച്ചു വരുത്തി കൈമാറുകയായിരുന്നു. വിഡിയോ ദൃശ്യം സമൂഹമാധ്യമങ്ങളിലൂടെ പ്രചരിച്ചതിനെ തുടർന്ന് മരിച്ച നിഖിൽ കടുത്ത മാനസിക സമ്മർദത്തിലായിരുന്നു. സംഘത്തിലെ മുതിർന്ന അംഗമായ അഖിൽ വർഗീസിനെ അറസ്റ്റ് ചെയ്തു ജാമ്യത്തിൽ വിട്ടിരുന്നു
കഴിഞ്ഞ ദിവസമാണ് കളമശ്ശേരിയില് 17-കാരനെ ഏഴ് പേര് ചേര്ന്ന് കെട്ടിടത്തിന്റെ മുകളില്വെച്ച് മര്ദിച്ചത്. ഊഴമിട്ട് മര്ദിക്കുന്നതും മര്ദിച്ച് അവശനാക്കി ശേഷം ഇയാളെക്കൊണ്ട് ഡാന്സ് കളിപ്പിക്കുന്നതിന്റേയും ദൃശ്യങ്ങള് പുറത്തുവന്നിരുന്നു. ലഹരി ഉപയോഗം വീട്ടിലറിയിച്ചതിനാണ് 17-കാരനെ കൂട്ടുകാര് ക്രൂരമായി മര്ദിച്ചത്.
