നടൻ രവി പട്‌വർധൻ അന്തരിച്ചു

മുംബൈ: മുതിർന്ന മറാഠി, ഹിന്ദി നടൻ രവി പട്‌വർധൻ (84) അന്തരിച്ചു. ശനിയാഴ്ച രാത്രി ഒമ്പതരയ്ക്കായിരുന്നു അന്ത്യം. ശ്വാസകോശ സംബന്ധമായ അസുഖത്തെ തുടർന്നു താനെയിലെ സ്വകാര്യ ആശുപത്രിയിൽ ചികിത്സയിലായിരുന്നു.

ഹിന്ദി സിനിമകളിൽ നാലു പതിറ്റാണ്ടോളം നിറഞ്ഞാടിയ നടനായിരുന്നു രവി‌ പട്‌വർധൻ 200 സിനിമകളിലോളം വേഷമിട്ടിട്ടുണ്ട്. ഹിന്ദിയിൽ തേസാബ്, അങ്കുഷ്, യശ്വന്ത് എന്നിവയും മറാഠിയിൽ ആശ അസാവ്യ സൺ, അംബർത്ത തുടങ്ങിയവയുമാണ് ശ്രദ്ധേയ സിനിമകൾ. 2019ൽ മറാഠി ഷോ അഗബായി സസുബായിലും പങ്കെടുത്തിരുന്നു