വിദ്യാ ബാലന്റെ 'ഷെര്നി' ആമസോണ് പ്രൈമില്; ഫസ്റ്റ്ലുക്ക് പോസ്റ്റര് പുറത്ത്
വിദ്യാ ബാലൻ നായികയായി എത്തുന്ന 'ഷെർനി' ജൂണിൽ ആമസേൺ പ്രൈമിൽ റിലീസ് ചെയ്യും. ചിത്രത്തിന്റെ ഫസ്റ്റ്ലുക്ക് പോസ്റ്റർ കഴിഞ്ഞദിവസം ആമസോൺ പ്രൈം പുറത്തുവിട്ടിരുന്നു. ന്യൂട്ടണ് എന്ന ചിത്രത്തിലൂടെ ശ്രദ്ധേയനായ അമിത് മസുര്കറാണ് ഷെര്നി സംവിധാനം ചെയ്യുന്നത്. ചിത്രത്തിന്റെ ഫോട്ടോ നേരത്തെ വിദ്യാ ബാലൻ ഷെയര് ചെയ്തിരുന്നു.
ആമസോണ് പ്രൈമിലൂടെ ജൂണിലാണ് ചിത്രം പ്രദര്ശനത്തിന് എത്തുക. ഫോറസ്റ്റ് ഓഫീസറായിട്ടാണ് ചിത്രത്തില് വിദ്യാ ബാലൻ അഭിനയിക്കുന്നത്. വിദ്യാ ബാലന്റെ മികച്ച കഥാപാത്രങ്ങളില് ഒന്നായിരിക്കും ചിത്രത്തിലേത് എന്നാണ് റിപ്പോർട്ടുകൾ സൂചിപ്പിക്കുന്നത്.
ടി സീരീസും അബുൻഡാൻഡിയ എന്റർടെയ്മെന്റും ചേർന്നാണ് ചിത്രം നിർമിക്കുന്നത്. വിദ്യാ ബാലനൊപ്പം ശരത് സക്സേന, മുകുൾ ഛദ്ദ, വിജയ് റാസ്, ഇല അരുൺ, ബ്രിജേന്ദ്ര കല, നീരജ് കബി തുടങ്ങിയവരാണ് ചിത്രത്തിൽ പ്രധാന വേഷങ്ങളിൽ എത്തുന്നത്. കഴിഞ്ഞവർഷം പുറത്തിറങ്ങിയ വിദ്യാ ബാലന്റെ ശകുന്തളാദേവി എന്ന ചിത്രത്തിന്റെ വലിയ സ്വീകാര്യതയ്ക്കുശേഷം ആമസോണും അബുൻഡാൻഡിയയും ഒരിക്കൽക്കൂടി ഒന്നിക്കുന്ന ചിത്രമാണ് ഷെർനി.
